Maskdan xəbərdarlıq: Starlink peykləri Rusiyanın hədəfinə çevrilə bilər
“SpaceX” şirkətinin qurucusu İlon Mask “Starlink” peyklərinin hücum əməliyyatlarında istifadə olunacağı təqdirdə Rusiyanın onları hədəfə ala biləcəyini bildirib. O, peyk sisteminin mülki layihə olaraq qalmasının vacibliyini vurğulayıb.
Crossmedia.az xəbər verir ki, “UNIAN” bu barədə məlumat yayıb.
Mask bu fikirləri “X” sosial şəbəkəsində orbitdəki peyklərin məhv edilməsi imkanlarına dair paylaşımı şərh edərkən səsləndirib. Paylaşımda Rusiyanın 2021-ci il noyabrın 15-də “Nudol” raketi ilə köhnə peykini məhv etdiyi peyk əleyhinə silah sınağı da xatırladılıb.
Maskın sözlərinə görə, “Starlink” hərbi infrastrukturda istifadə oluna bilər, lakin açıq hücum əməliyyatlarında tətbiq edilməsi sistemin cavab zərbəsi üçün qanuni hədəfə çevrilməsi riskini artırır.
O, həmçinin “Starlink” peyklərinin məhv edilməsinin orbitdə böyük həcmdə kosmik tullantıların yaranmasına və zəncirvari toqquşmalara səbəb ola biləcəyini bildirib. Maskın fikrincə, bu cür hadisələr kosmosdan istifadəni ciddi şəkildə çətinləşdirə bilər.
18:47 25.10.2026
Oxunuş sayı: 49
