İrəvanda oxunulan “Qarabağ” mahnısı İranı da qarışdırdı
İran İslam Respublikasının Ermənistandakı səfiri Mehdi Sübhani Güney Azərbaycanlı gənclərin İrəvanda oxuduğu “Qarabağ” mahnısının videosunun İrəvanda yayımlanmasına sərt reaksiya verib və onu “önəmsiz və şübhəli” adlandırıb.
İran İslam Respublikasının səfiri cümə axşamı Ermənistanda keçirdiyi mətbuat konfransında məsələyə münasibət bildirib:
"Bu insanlar nə İran millətini, nə də İran hökumətinin rəsmi mövqeyini təmsil etmirlər. Məqsədli edilən hərəkətlər erməni xalqında heç bir şübhə yaratmamalıdır. Bu adamlar nəinki İran millətini, heç İran azərilərini də təmsil etmirlər və yəqin ki, bu təxribaçılar Ermənistan xalqı arasında şübhə və anlaşılmazlıq yaratmağa çalışırlar".
Başqa diqqətiçəkən açıqlama isə İnqilab Keşikçiləri Korpusunun üzvü, və İranın keçmiş prezidenti Həsən Ruhaninin müşaviri Hesaməddin Aşenadan gəlib. O, Ərdoğanla Məhəmməd əl-Şaraa görüşündən narazılığını bildirib və yeni Suriyanı Azərbaycan kimi düşmən olaraq xarakterizə edib. Bu anti-Türk rəsmi Ərdoğan və Suriya prezidenti Məhəmməd əl-Şaraa arasında Ankarada keçirilən görüşlə bağlı özünün X hesabında bunları yazıb: “Bu səmimi qarşılanma adi bir mərasimə bənzəmir. Ərdoğan sanki öz övladını qarşılayır; Suriyanı müdafiə edərkən çəkdiyi bütün acılar nəhayət şirin nəticəyə gəldi. Türkiyə ilə Azərbaycan Respublikası arasında münasibət nə olursa olsun, indi Suriya da bizim üçün bir Azərbaycandır”.
Görünən odur ki, Qarabağda strateji məğlubiyyətini, Azərbaycanın Ermənistan üzərində qələbəsini, Suriyada məğlubiyyətini həzm edə bilməyən İran Türkiyə və Azərbaycana qarşı nifrət yaymağa hələ də davam edir.
Məhz bu cür açıqlamalar İranın Cənubi Qafqaz siyasətində Ermənistana və Azərbaycana əsl münasibətlərinin ən bariz göstəricisi hesab edilə bilər.
Cross Media Təhlil Mərkəzi
12:33 07.02.2025
Oxunuş sayı: 56009
