Suriya BMT sülhməramlılarını Qolan təpələrinə yerləşdirməyə razıdır
Suriyanın yeni hakimiyyət orqanları Birləşmiş Millətlər Təşkilatının (BMT) sülhməramlılarını İsraillə sərhəd yaxınlığındakı Qolan təpələrində bufer zonada yerləşdirməyə razılaşıblar.
Crossmedia.az xəbər verir ki, bu barədə Suriya administrasiyasının rəhbəri Əhməd əl-Şaraanın sözlərini Əl-Cəzirə telekanalı yayıb.
“Suriya vəziyyətin İsrailin irəliləməsindən əvvəlki vəziyyətinə qayıtması üçün bufer zonada BMT-nin sülhməramlı qüvvələrini qəbul etməyə hazırdır. İsrail əsgərləri İran birləşmələrinin orada olması bəhanəsi ilə bufer zonasına daha da irəliləyiblər. İndi, Dəməşqin azad edilməsindən sonra bu arqument artıq mövcud deyil”, - deyə siyasətçi qeyd edib.
17:19 16.01.2025
Oxunuş sayı: 5414
