"Zaqros” kəşfiyyat gəmisi İran Ordusunun təchizatına daxil edilib
İranın Bəndər-Abbasdakı əsas hərbi dəniz bazasında İranın özü tərəfindən sıfırdan inşa edilmiş və gövdə nömrəsi “313” olan “Zaqros” kəşfiyyat gəmisi İran Ordusunun Hərbi Dəniz Qüvvələrinin təchizatına daxil edilib.
Crossmedia.az İran mediasına istinadən xəbər verir ki, əvvəllər İran bu məqsədlə hərbi gəmiyə çevrilmiş ticarət gəmilərindən istifadə edirdi.
Bu gəminin layihəsi İranın "Movj" yüngül freqatlarının layihəsinin əsaslı modifikasiyasıdır ki, burada əsas silahlar elektron və digər kəşfiyyat avadanlıqları, o, cümlədən rabitə vasitələri və s. ilə əvəz edilib. Buna görə də "Zaqros"un göstərilən ölçüləri (gəminin uzunluğu 95 metr, eni isə təxminən 11 metrdir) "Movj" tipli yüngül freqatların ölçülərinə uyğundur. “Zaqros” adı İranın Zaqros dağ sisteminin şərəfinə verilmişdir. Yəni 1979-cu il inqilabından sonra inkişaf etmiş İran Hərbi Dəniz Qüvvələrinin yüngül freqatlarının adına dağların, dağ sistemlərinin adlarının verilməsi ənənəsini davam etdirilir.
16:16 16.01.2025
Oxunuş sayı: 2176
