Macarıstan Ukrayna ilə dəmir yolu əlaqəsini dayandırıb
Macarıstan Rusiyanın Ukraynanın qərbində yerləşən Mukaçevo şəhərinə pilotsuz uçuş aparatı (PUA) ilə hücumundan sonra Ukrayna ilə dəmir yolu əlaqəsini iki günlük dayandırıb.
Crossmedia.az xəbər verir ki, "Reuters" bu barədə məlumat yayıb.
Bildirilib ki, noyabrın 17-də Rusiyaya məxsus pilotsuz uçuş aparatı Ukraynanın Zakarpatye vilayətində yerləşən Mukaçevo dəmir yolu stansiyasından təxminən 300 metr məsafəyə düşüb.
Hadisə zamanı ərazidə Macarıstandan gələn və macar heyətin xidmət göstərdiyi qatar olub.
Macarıstanın Baş naziri Peter Madyar (Péter Magyar) bildirib ki, təhlükəsizlik tədbirləri çərçivəsində qatarın macar heyəti təxliyə edilib.
Baş nazirin sözlərinə görə, yaranmış vəziyyətlə əlaqədar Macarıstan və Ukrayna arasında dəmir yolu hərəkətinin noyabrın 17-si və 18-də dayandırılması qərara alınıb.
Qeyd edək ki, qərar Rusiyanın Ukraynanın qərb bölgələrinə həyata keçirdiyi növbəti dron hücumları fonunda qəbul edilib.
16:58 17.11.2026
Oxunuş sayı: 135