Netanyahuya ağır ittiham: Seçki nəticələrini gecikdirməyə çalışır
İsrail müxalifətinin liderlərindən Qadi Ayzenkot Baş nazir Benyamin Netanyahu və onun müttəfiqlərini parlament seçkilərinin nəticələrinin açıqlanmasını gecikdirməyə yönəlmiş qanunsuz təsir kampaniyası aparmaqda ittiham edib.
Crossmedia.az xəbər verir ki, İsrail mediası bu barədə Ayzenkotun açıqlamasına istinadən məlumat yayıb.
Müxalifət siyasətçisi bildirib ki, Netanyahu və onun tərəfdarları ictimai rəyə təsir göstərmək və seçki nəticələrinin elan edilməsini ləngitmək üçün addımlar atırlar.
Ayzenkotun sözlərinə görə, bu cür müdaxilə cəhdləri seçki prosesinə və nəticələrə ictimai etimadı sarsıda bilər.
Qeyd edək ki, oktyabrın 27-də İsraildə parlament seçkiləri keçirilib. Səsvermədən sonra seçkilərə mümkün xarici müdaxilə ilə bağlı iddialar da gündəmə gəlib.
İsrailin Mərkəzi Seçki Komissiyası həmin iddiaların araşdırılması üçün daxili təhlükəsizlik xidməti olan Şin Betə müraciət edib.
Netanyahu tərəfi isə seçki prosesinin təhlükəsizliyinin təmin olunmasının vacibliyini vurğulayaraq müdaxilə ittihamlarını rədd edir
15:26 29.10.2026
Oxunuş sayı: 57
