Vətən sevgisinin Əbədiləşən Simvolu: Polad Həşimov
Bu gün Azərbaycanın mübariz tarixinin parlaq səhifələrində adını qızıl hərflərlə yazdıran, xalqımızın qəlbində əbədi olaraq həkk olunan şəhid general-mayor Polad Həşimovun doğum günüdür. O, sadəcə bir hərbçi deyil, həm də Vətən sevgisinin, fədakarlığın və əzmkar mübarizənin canlı təcəssümü, Azərbaycan ordusunun əzminin simvolu idi.
Polad Həşimov 2 yanvar 1975-ci ildə Qəbələdə dünyaya göz açdı. Uşaq yaşlarından onun daxili aləmində bir millət sevgisi, bir xalqına xidmət arzusu yetişirdi. Anası Səmayə Həşimova oğlunun hüquqşünas olmasını arzulayırdı. 1992-ci ildə Qarabağda şiddətli döyüşlərin olduğu bir dövrdə Polad Həşimov evə gəlir və hərbçi olmağı qərara aldığını bildirir. Anası çətin bir peşə olduğu üçün buna icazə verməsə də, atası artıq buna razılıq vermişdi. Həmin ilin avqustunda Polad Həşimov sənədlərini Heydər Əliyev adına Azərbaycan Ali Hərbi Məktəbinə vermişdir.
1992-ci il avqustun 1-də Bakı Ali Birləşmiş Komandalıq Məktəbinə qəbul olan Polad Həşimov 1995-ci ildə oranı "Motoatıcı" ixtisası üzrə bitirmişdir. 2014-cü ilin iyul ayında isə o, Silahlı Qüvvələrin Hərbi Akademiyasına daxil oldu və 2016-cı ildə "hərbi idarəetmə" üzrə magistr dərəcəsi almışdır Bu sevgi onu hərbi sahəyə yönəltdi və Polad Həşimov peşəkar hərbçi olaraq Azərbaycanın müdafiə qüdrətinin güclənməsində mühüm rol oynadı. Savadı, yüksək peşəkarlığı və zəhməti ilə öz həmkarlarının arasında seçilən general, hər zaman əsgərlərinin yanında olmuş, onların qayğısına qalmaqdan çəkinməmişdir.
Onun qəhrəmanlıq yolu ən çətin döyüş meydanlarında yazıldı. Birinci Qarabağ müharibəsi, Tovuz döyüşləri, İkinci Qarabağ müharibəsində döyüşmüşdür. 2020-ci ilin Tovuz döyüşləri zamanı Polad Həşimov şəhidlik zirvəsinə ucaldı. Onun həyatı və mübarizəsi bizə təkcə bir döyüşçü kimi deyil, bir lider, ailə başçısı, bir insanlıq simvolu kimi örnəkdir. Bu, sıradan bir ölüm deyildi; bu, bir xalqın azadlıq uğrunda verdiyi ən dəyərli itkilərdən biri idi.
Polad Həşimovun şəhidliyi ilə xalqımız bir daha anladı ki, Vətən üçün hər bir fədakarlıq müqəddəsdir. Bu gün Azərbaycanın hər bir bölgəsində ucalan küçələrdə, məktəblərdə və abidələrdə, ən əsas balacadan tutmuş yaşlısına qədər bütün Azərbaycan xalqının ürəyində Polad Həşimovun xatirəsi əbədi olaraq yaşayacaqdır.
Bu gün onun doğum gününü qeyd edərkən yalnız onun fiziki yoxluğu ilə deyil, ruhunun bizimlə birgə olduğunu hiss edirik. Polad Həşimovun həyat hekayəsi bizə göstərir ki, qəhrəmanlar unudulmur, əksinə, onların fədakarlığı hər birimiz üçün əbədi yol göstəricisinə çevrilir, yolumuza mayak olur.
Sən heç vaxt unudulmayacaqsan, Polad Həşimov! Sən Vətən sevgisinin əbədiləşən simvolusan!
Ayhan Ağarzayev.
23:45 01.01.2025
Oxunuş sayı: 18621
