Azal 2050-yə qədər “net-zero” hədəfi qoydu
"Azərbaycan Hava Yolları" QSC (AZAL) 2050-ci ilədək sıfır emissiya (net-zero) səviyyəsinə nail olmaq üçün strategiyasını hazırlayır vı bu zaman emissiyaların azaldılmasının 90 %-i birbaşa aviasiyanın daxili tədbirlərin payına düşür.
Crossmedia.az xəbər verir ki, bunu AZAL-ın ESG məlumatlarının idarə edilməsi üzrə biznes tərəfdaşı Məhəmməd Əliyev "Bakı İqlim Fəaliyyəti Həftəsi 2026 (BCAW 2026)" tədbiri çərçivəsində keçirilən panel müzakirəsində deyib.
"Hazırda şirkət 15-20 % daha az karbon emissiyası yaradan yeni təyyarələr alır. Bundan başqa, ötən ildən etibarən biz Avropa reyslərində artıq 2 % ekoloji baxımdan "təmiz aviasiya yanacağı"ndan (SAF) istifadə edirik və 2050-ci ilə qədər bu göstərici təxminən 30 %-ə qədər artmalıdır. Park və marşrutların idarə edilməsinin optimallaşdırılması da emissiyaların 8 % azalmasını təmin etməlidir", - o vurğulayıb.
M.Əliyevin sözlərinə görə, karbon bazarı bütövlükdə dekarbonizasiya strategiyasının yeganə aləti deyil, onun tərkib hissəsidir.
16:15 07.09.2026
Oxunuş sayı: 58
