Xarici xəbərlər

Dənizdə yeni hədəflər vuruldu

Rusiya ordusunun Ukraynanın liman infrastrukturuna və hərbi məqsədlər üçün istifadə edilən dəniz nəqliyyatına zərbələri davam edir.

Crossmedia.az xəbər verir ki, “Lenta.ru” bu barədə məlumat yayıb.

Məlumata görə, sentyabrın 6-da axşam saatlarında Çornomorsk limanında hərbi-texniki yüklərin daşındığı “Mavka” quru yük gəmisinə PUA-larla zərbə endirilib.

Sentyabrın 7-də səhər isə İzmail limanında Qərb ölkələrinin Ukrayna ordusu üçün göndərdiyi hərbi yüklərin gəmilərdən boşaldılması üçün istifadə edilən istehsal-yükləmə kompleksinin vurulduğu bildirilib.

Həmçinin Qara dənizin akvatoriyasında hərbi təyinatlı yüklər daşıyan gəmilərin müşayiətində istifadə edilən patrul katerinin də zərbəyə məruz qaldığı qeyd olunub.

Rusiyalı hərbi müxbir Aleksandr Kotsun sözlərinə görə, iyulun 22-dən Odessa, Çornomorsk və Pivdennı limanlarına heç bir kommersiya gəmisinin daxil olmadığı bildirilir. Onun iddiasına əsasən, bunun nəticəsində Kiyevin valyuta gəlirlərində təxminən 3,15 milyard dollar itki yaranıb.

Kots həmçinin qeyd edib ki, sığorta şirkətləri yeni hərbi risk sığortası polislərinin verilməsini dayandırıb.

Mövzular:

Rusiya Ukrayna Çornomorsk limanı Mavka Çornomorsk Odessa PUA Qərb ölkələri

🖨 Çap et

12:08 07.09.2026

Oxunuş sayı: 47