İki şübhəliyə yeni ittihamlar: Şevkunova sui-qəsd işi üzrə təfərrüat
FSB mitropolit Tixon Şevkunova sui-qəsd cəhdi hazırlamaqda şübhəli bilinən Denis Popoviç və Nikita İvankoviçə yekun ittihamlar irəli sürüb.
Crossmedia.az xəbər verir ki, “Medi zona” bu barədə məlumat yayıb.
Məhkəmə sənədlərinə əsasən, Denis Popoviç terror aktının törədilməsi məqsədilə təlim keçməkdə və düşmənə yardım göstərməkdə də ittiham olunur. Daha əvvəl hər iki şəxs partlayıcı qurğuların qanunsuz dövriyyəsi və terror aktına hazırlıqda ittiham edilirdi.
Nikita İvankoviçə isə dövlətə xəyanət ittihamı irəli sürülüb.
FSB-nin versiyasına görə, Popoviç və İvankoviç Ukrayna xüsusi xidmət orqanlarının tapşırığı ilə Rus Pravoslav Kilsəsinin nüfuzlu nümayəndələrindən biri olan mitropolit Tixonun avtomobilinə partlayıcı yerləşdirməyi planlaşdırıblar. Hər iki şübhəli Rus Pravoslav Kilsəsinin sistemində çalışan din xadimləridir.
Popoviç və İvankoviç ittihamları qəbul etmir. Onlar ifadələrinin işgəncə yolu ilə alındığını bildirirlər.
Ukrayna əsilli Denis Popoviç Sretenski monastırında yaşayıb və mitropolit Tixonun katibi və xəzinədarı kimi çalışıb.
Nikita İvankoviç Popoviçlə dost olub və onun kimi Sretenski seminariyasını bitirib. Onun mitropolit Tixonla birbaşa iş əlaqəsi olmayıb.
İş üzrə araşdırma davam edir.
09:57 05.09.2026
Oxunuş sayı: 49
