Qədim türklərin 1500 illik kəşfiyyat şəbəkəsi üzə çıxıb
Təxminən 1500 il əvvəl qədim türklərin qurduğu kəşfiyyat şəbəkəsi ilə bağlı diqqətçəkən tarixi faktlar üzə çıxıb. Orxon abidələri və Çin mənbələrinə əsaslanan akademik araşdırma Göytürklərin düşmən planları barədə məlumat toplamaq üçün casuslardan, xüsusi hərbi dəstələrdən və erkən xəbərdarlıq sistemlərindən istifadə etdiyini göstərir.
Crossmedia.az xəbər verir ki, araşdırmada həmin şəbəkənin fəaliyyətində Bilgə Tonyukukun mühüm rol oynadığı qeyd olunur.
Göytürklərin yenidən gücləndiyi dövrdə Doqquz Oğuzlar Çin və kıtanlarla ittifaq yaratmağa çalışırdı. Lakin bu plan barədə məlumat gizli qalmayıb. Doqquz Oğuzlardan olan bir casus ittifaqın qurulduğunu Bilgə Tonyukuka çatdırıb.
Məlumatı təhlil edən Tonyukuk düşmənin hücumunu gözləmək əvəzinə Doqquz Oğuzlara qarşı yürüşə başlayıb. Bu hadisə Göytürklərin hərbi güclə yanaşı, düşmənin planlarını əvvəlcədən öyrənməyə əsaslanan kəşfiyyat fəaliyyətlərindən də istifadə etdiyini göstərən nümunələrdən biri hesab olunur.
01:30 26.10.2026
Oxunuş sayı: 63
