Budanov ABŞ rəsmisi ilə danışıqlar prosesini müzakirə edib
Ukrayna Prezident Aparatının rəhbəri Kirill Budanov ABŞ-nin Ukraynadakı müvəqqəti işlər vəkili Pol Hyustonla münaqişənin nizamlanması üzrə danışıqlar prosesinin aktivləşdirilməsini müzakirə edib.
Crossmedia.az xəbər verir ki, Budanov bu barədə “Telegram” kanalında məlumat yayıb.
Budanov ABŞ və Ukrayna arasında strateji əməkdaşlığın əsas prioritetlərini, eləcə də danışıqlar prosesinin intensivləşdirilməsi məsələsini müzakirə etdiklərini bildirib.
O, ədalətli sülhün təmin edilməsi və təhlükəsizliyin bərpasında ABŞ-nin həlledici rol oynadığını vurğulayıb. Qeyd edək ki, sentyabrın 4-də ABŞ Prezidenti Donald Trampın xüsusi nümayəndələri Stiv Uitkoff və Cared Kuşnerin yaxın günlərdə Rusiya və Ukraynanın paytaxtlarına səfər edəcəyi barədə məlumat yayılıb. Onların sentyabrın 5-də Moskvaya, sentyabrın 6-da isə Kiyevə gedəcəyi gözlənilir.
16:38 04.09.2026
Oxunuş sayı: 48
