Bu nazirliyə 7 minə yaxın müraciət daxil olub
Dekabrın 29-da Naxçıvan Muxtar Respublikası Təhsil Nazirliyində 31 Dekabr - Dünya Azərbaycanlılarının Həmrəyliyi Günü və 2024-cü ilin təhsil yekunlarına həsr olunmuş tədbir keçirilib.
Nazirliyin mətbuat xidmətindən bildirilib ki, tədbirdə Naxçıvan Muxtar Respublikasının təhsil naziri Elxan Nəcəfov 2024-cü ildə təhsil sahəsində həyata keçirilən məqsədyönlü tədbirlərdən, əldə olunan nailiyyətlərdən danışıb.
Qeyd olunub ki, 2023-2024-cü tədris ilinin buraxılış və qəbul imtahanlarında şagirdlər tərəfindən son 5 ilin ən yüksək nəticələri əldə edilib. Eyni zamanda fərqlənmə attestatı ilə məktəbi bitirən məzunların sayı əvvəlki tədris ili ilə müqayisədə əhəmiyyətli dərəcədə artıb. 327 məzun 500-700 intervalında bal toplayıb ki, bu da əvvəlki tədris ili ilə müqayisədə 67 faiz çoxdur.
Diqqətə çatdırılıb ki, 2024-cü ildə nazirliyə 7 minə yaxın müraciət daxil olub, 6 minə yaxın vətəndaş nazirliyə tabe qurumlarda işlə təmin olunub.
Sonra Təhsil Nazirliyi Aparatının, həmçinin Təhsil şöbələrinin bir qrup əməkdaşına “Fəxri fərman” və hədiyyələr təqdim olunub, xatirə fotosu çəkilib.
00:02 30.12.2024
Oxunuş sayı: 8314
