Azərbaycan alma ixracından gəlirini 7 % artırıb
Bu ilin yanvar-iyul aylarında Azərbaycan 50,1 min ton alma ixrac edib.
Crossmedia.az Dövlət Gömrük Komitəsinə istinadən xəbər verir ki, bu həcmdə almanın dəyəri 40,95 milyon ABŞ dolları təşkil edib.
Bunlar, ötən ilin müvafiq dövrü ilə müqayisədə həcm baxımından 4,3 min ton (7,8 %) az, dəyər baxımından 2,7 milyon dollar (7 %) çoxdur.
Hesabat dövründə alma ixracından əldə edilən gəlir Azərbaycanın ixrac gəlirlərində cüzi paya malik olub.
7 ayda Azərbaycan xarici ölkələrlə 29 milyard 216 milyon ABŞ dolları dəyərində ticarət əməliyyatı aparıb. Bu, ötən ilin eyni dövrünə nisbətən 1,3 % çoxdur.
Xarici ticarət dövriyyəsinin 19 milyard 336 milyon ABŞ dolları ixracın, 9 milyard 881 milyon ABŞ dolları isə idxalın payına düşüb. Son 1 ildə ixrac 27 % artıb, idxal isə 27,4 % azalıb. Son nəticədə xarici ticarətdə 9 milyard 455 milyon dollarlıq müsbət saldo yaranıb. Bu da illik müqayisədə 5,9 dəfə çoxdur.
16:35 19.08.2026
Oxunuş sayı: 51
