CROSSMEDIA - Analitik İnformasiya Portalı

Axtarılan söz: birgə müdafiə

12:11 03.10.2026

Türkiyə-Pakistan-Səudiyyə Ərəbistanı ittifaqında yeni mərhələ

Pakistan Baş nazirinin müavini və xarici işlər naziri İshaq Dar Türkiyə, Səudiyyə Ərəbistanı və Pakistan arasında imzalanmış Məkkə Birgə Müdafiə Sazişi ilə bağlı açıqlama verib. Crossmedia.az xəbər verir ki, “Dawn” qəzetinin məlumatına görə, Dar İslamabadda jurnalistlərlə görüşündə sazişin kollektiv müdafiə prinsipinə əsaslandığını bildirib. O, NATO-nun 5-ci maddəsinə bənzər şəkildə, sazişə daxil olan üç ölkədən hər hansı birinə silahlı hücumun bütün tərəflərə qarşı hücum kimi qəbul ediləcəyini deyib. Bu müddəa 7 avqust 2026-cı ildə Məkkədə imzalanmış sazişin rəsmi məzmununda da yer alır. Dar bildirib ki, Səudiyyə Ərəbistanındakı son vəziyyəti müzakirə etmək üçün gələn həftə fövqəladə toplantının keçirilməsi nəzərdə tutulur. “Biz Səudiyyə Ərəbistanını müdafiə etməyə borcluyuq”, – deyə pakistanlı nazir bildirib. Onun sözlərinə görə, altıdan çox ölkə Məkkə Birgə Müdafiə Sazişinə qoşulmağa maraq göstərir. Dar həmin dövlətlərin adlarını açıqlamayıb.