Malayziya ölkədə olan İsrail vətəndaşlarını deportasiya edəcəyini açıqlayıb
Malayziya hökuməti ölkə ərazisində aşkar edilən bütün İsrail vətəndaşlarının dərhal deportasiya olunacağını bəyan edib.
Crossmedia.az xəbər verir ki, bu barədə Malayziyanın Baş naziri Ənvər İbrahim açıqlama verib.
O bildirib ki, Kuala Lumpur İsrail dövlətini tanımamaqla bağlı mövcud siyasətini davam etdirir və bu mövqedən geri çəkilməyəcək.
Məlumata görə, araşdırmalara ikili vətəndaşlığı olan bəzi israillilərin üçüncü ölkələrin pasportları ilə Malayziyaya daxil olması barədə məlumatlardan sonra başlanılıb.
Bildirilir ki, həmin şəxslərin Cohor ştatında yerləşən Forest City şəhərindəki Network School texnoloji kovorkinq icmasında olduqları müəyyən edilib.
Malayziya hakimiyyəti ölkə ərazisinin qanun pozuntuları və ya milli maraqlara zidd fəaliyyətlər üçün istifadə edilməsinə imkan verməyəcəyini vurğulayıb.
10:13 20.07.2026
Oxunuş sayı: 62
