İsrailli nazir: 7 oktyabrdan əvvəl də Qəzzanın bombalanmasını tələb edirdim
İsrailin milli təhlükəsizlik naziri İtamar Ben-Qvir 7 oktyabr hadisələrindən əvvəl hökumət iclaslarında dəfələrlə Qəzza zolağına zərbələr endirilməsini təklif etdiyini bildirib.
Crossmedia.az xəbər verir ki, Ben-Qvir bu barədə açıqlamasında danışıb.
"Onlara deyirdim: Qəzzanı bombalayaq. Qəzzanı bombalayaq. Qəzzanı bombalayaq. Onlar isə mənə dəli kimi baxırdılar", – deyə nazir bildirib.
Ben-Qvir, həmçinin fələstinli məhbusların İsrail rəsmilərindən qorxduğunu iddia edib. Onun sözlərinə görə, həbsxanalara baş çəkdikləri zaman məhbuslar "qorxudan özlərini saxlaya bilmirlər".
Nazir əlavə edib ki, eyni reaksiyanı həbsdə olan fələstinli siyasətçi Mərvan Bərğusi də nümayiş etdirib.
"Qorxu onları idarə edir və məhz belə də olmalıdır", – deyə Ben-Qvir vurğulayıb.
16:19 17.07.2026
Oxunuş sayı: 52
