Kobaxidze: Çinlə münasibətlər Gürcüstan üçün son dərəcə vacibdir
Gürcüstanın Baş naziri İrakli Kobaxidze Çinlə münasibətlərin ölkəsi üçün strateji əhəmiyyət daşıdığını bildirib.
Crossmedia.az xəbər verir ki, Kobaxidze bu barədə China Eastern Airlines aviaşirkətinin Tbilisi–Şanxay marşrutu üzrə birbaşa uçuşlara başlaması münasibətilə keçirilən tədbirdə çıxışı zamanı danışıb.
Baş nazir son illərdə iki ölkə arasında əməkdaşlığın sürətlə inkişaf etdiyini vurğulayıb.
"Biz son illərdə əməkdaşlığımızın bu qədər yüksək templə inkişaf etməsindən qürur duyuruq. Təxminən iki il əvvəl ölkələrimiz strateji tərəfdaş oldular, bu yaxınlarda isə Hərtərəfli Strateji Tərəfdaşlıq Sazişi imzaladılar", – deyə Kobaxidze bildirib.
O əlavə edib ki, Çin inkişaf, modernləşmə və tərəqqiyə yönəlmiş dövlətdir və bu ölkə ilə münasibətlərin dərinləşdirilməsi Gürcüstan üçün böyük əhəmiyyət kəsb edir.
17:37 16.07.2026
Oxunuş sayı: 49
