FIFA DÇ-2026-nın finalında fasiləni iki dəfə uzadacaq
FIFA 2026-cı il dünya çempionatının final oyununda öz reqlamentindən kənara çıxaraq fasilə müddətini iki dəfə artırmağı planlaşdırır.
Crossmedia.az xarici KİV-ə istinadən xəbər verir ki, final matçında futbol üçün ənənəvi olan 15 dəqiqəlik fasilə əvəzinə 30 dəqiqəlik şou proqramı təşkil ediləcək.
Məlumata görə, fasilə zamanı ABŞ-də keçirilən Super Bowl ənənəsinə bənzər möhtəşəm konsert proqramı təqdim olunacaq. Şounun əsas iştirakçıları kimi Castin Biber, Madonna, Şakira və Cənubi Koreyanın BTS pop qrupunun çıxışı nəzərdə tutulur.
Bildirilir ki, bu qərarla FIFA dünya çempionatının finalını həm idman, həm də əyləncə baxımından daha geniş auditoriya üçün cəlbedici etməyi hədəfləyir.
10:11 16.07.2026
Oxunuş sayı: 51
