Türkiyə Rusiya və Ukraynanı yenidən danışıqlar masasına çağırır
Türkiyənin xarici işlər naziri Hakan Fidan Ankaranın Rusiya ilə Ukrayna arasında sülh danışıqlarına yenidən vasitəçilik etməyə və danışıqları təşkil etməyə hazır olduğunu bildirib.
Crossmedia.az bu barədə xarici mediaya istinadən xəbər verir.
Fidan qeyd edib ki, münaqişənin dayandırılması üçün danışıqlar prosesinin bərpası Türkiyə üçün prioritet məsələlərdən biridir. O, Kiyev və Moskva səfərləri çərçivəsində də bu mövzunun əsas müzakirə istiqamətlərindən biri olduğunu vurğulayıb.
Bildirilib ki, hazırda Hakan Fidan Ukrayna Prezidenti Volodimir Zelenski və ölkənin yeni xarici işlər naziri Andrey Sibiqa ilə görüşlər keçirərək tərəflərin mövqelərini müzakirə edir.
Xatırladaq ki, iyun ayında Hakan Fidan Rusiyanın ilkin şərtlərini müzakirə etmək üçün Kazanda Rusiya Prezidenti Vladimir Putin ilə görüşmüşdü.
20:48 15.07.2026
Oxunuş sayı: 67
