Uşaqların sevdiyi Legoda böyük dəyişiklik baş tutmadı
Danimarkanın məşhur oyuncaq istehsalçısı Lego kərpic formalı oyuncaqlarında istifadə etdiyi neft əsaslı plastikləri əvəz etmək üçün başladığı genişmiqyaslı layihədən imtina edib.
Crossmedia.az bu barədə xarici mediaya istinadən xəbər verir.
Şirkət müəyyən edib ki, təkrar emal olunmuş polietilen tereftalatdan hazırlanan yeni materialdan istifadə daha yüksək karbon emissiyasına səbəb olacaq.
Legonun baş icraçı direktoru Nils Kristiansen bildirib ki, şirkət çoxsaylı alternativ materialları sınaqdan keçirib, lakin uyğun əvəzləyici tapa bilməyib.
Buna baxmayaraq, Lego dayanıqlı inkişaf məqsədlərindən imtina etmədiyini açıqlayıb. Şirkət 2032-ci ilədək oyuncaqların daha ekoloji materiallardan hazırlanmasını planlaşdırır.
Lego bu istiqamətdə işlərə 2020-ci ildə başlayıb. Əsas çətinlik isə həm ətraf mühitə daha az zərər verən, həm də ənənəvi neft əsaslı plastiklə eyni rəng, parlaqlıq və səs xüsusiyyətlərini qoruyan material tapmaq olub.
03:08 15.07.2026
Oxunuş sayı: 20
