NASA Ayda daimi baza qurmağı planlaşdırır
NASA 2030-cu ilə qədər Ayda daimi baza yaratmağı hədəflədiyini açıqlayıb. Ayı 40 ildən çox araşdıran geoloq Klayv Nilin sözlərinə görə, əsas məqsəd insanlara Marsa uçuşdan əvvəl Yer kürəsindən kənarda yaşamağı və işləməyi öyrətməkdir.
Crossmedia.az xəbər verir ki, mütəxəssis hesab edir ki, baza düz və təhlükəsiz ərazidə, enerji mənbələrinə və su buzuna yaxın yerdə qurulmalıdır. Su həm ekipajın həyatı üçün, həm də raket yanacağının istehsalında mühüm rol oynayacaq.
Geoloqun fikrincə, Ay gələcəkdə təkcə kosmik missiyalar üçün dayaq nöqtəsi deyil, həm də helium-3 və nadir torpaq metalları kimi qiymətli resursların mənbəyi ola bilər. Bununla yanaşı, bu ehtiyatların iqtisadi cəhətdən səmərəli şəkildə hasil olunmasının mümkün olub-olmadığı hələ də araşdırılır.
02:03 16.07.2026
Oxunuş sayı: 53
