KİV: ABŞ administrasiyasında İrana zərbələr "Şillə" əməliyyatı adlandırılır
ABŞ-nin İrana qarşı bərpa etdiyi hərbi zərbələr administrasiyanın bəzi nümayəndələri arasında qeyri-rəsmi olaraq "Şillə" ("Slap") əməliyyatı adlandırılır.
Crossmedia.az xəbər verir ki, bu barədə "New York Post" nəşri Ağ Evdəki mənbələrə istinadən məlumat yayıb.
Nəşrin yazdığına görə, bu ad administrasiyanın bəzi yüksəkvəzifəli rəsmiləri tərəfindən yazışmalarda və qeyri-rəsmi müzakirələrdə istifadə olunur. Mənbələrin sözlərinə görə, bu ifadə bəzi rəsmilərin ağrılı, lakin qısa müddətli hərbi əməliyyatlara üstünlük verdiyini göstərir.
Ağ Evdəki mənbələrdən biri bildirib ki, ABŞ Prezidenti Donald Tramp münaqişənin tezliklə başa çatmasını istəyir, lakin İranın gəmilərə hücum edəcəyi təqdirdə buna cavabsız qalmayacaq.
Bununla yanaşı, bəzi mənbələr belə bir qeyri-rəsmi adlandırmadan xəbərlərinin olmadığını deyiblər. Məlumata görə, əməliyyatın rəsmi adı "Epik Qəzəb" ("Epic Fury") olaraq müəyyən edilib.
13:34 10.07.2026
Oxunuş sayı: 48
