Tramp FIFA-ya təşəkkür etdi: ABŞ millisinin hücumçusu yenidən meydana çıxacaq
ABŞ Prezidenti Donald Tramp FIFA-ya ABŞ milli komandasının futbolçusu Folarin Baloqunun diskvalifikasiyasını müvəqqəti dayandırdığı üçün təşəkkür edib.
Crossmedia.az xəbər verir ki, Tramp bununla bağlı Truth Social sosial şəbəkəsində paylaşım edib.
"FIFA-ya düzgün addım atdığı və böyük bir ədalətsizliyi aradan qaldırdığı üçün təşəkkür edirəm", – deyə ABŞ prezidenti bildirib.
Bundan əvvəl FIFA-nın İntizam Komitəsi Folarin Baloquna tətbiq olunan diskvalifikasiyanın icrasını müvəqqəti dayandırıb. Bununla da hücumçu dünya çempionatının 1/8 final mərhələsində Belçikaya qarşı keçiriləcək oyunda iştirak edə biləcək.
Qeyd edək ki, Baloqun 2026-cı il dünya çempionatında keçirdiyi üç oyunda üç qol vuraraq ABŞ millisinin turnirdə ən məhsuldar futbolçusu olub. ABŞ və Belçika yığmaları arasında 1/8 final görüşü iyulun 7-nə keçən gecə baş tutacaq.
09:26 06.07.2026
Oxunuş sayı: 52
