İspaniyada anomal istilər can almaqda davam edir: Bir ayda 1029 nəfər həyatını itirib
İspaniyada ötən ay qeydə alınan rekord dərəcədə yüksək temperatur ağır nəticələrə səbəb olub.
Crossmedia.az bu barədə xarici mediaya istinadən xəbər verir.
Rəsmi məlumatlara görə, anomal istilər nəticəsində iyun ayı ərzində ölkədə 1029 nəfər həyatını itirib.
Mütəxəssislər bildirirlər ki, ölənlərin əksəriyyəti yaşlılar və xroniki xəstəliklərdən əziyyət çəkən şəxslərdir. Hakimiyyət orqanları əhalini xüsusilə günün isti saatlarında çöldə olmamağa, kifayət qədər maye qəbul etməyə və təhlükəsizlik qaydalarına əməl etməyə çağırır.
İspaniya son həftələrdə Avropanı təsiri altına alan güclü istilik dalğasından ən çox zərər görən ölkələrdən biri hesab olunur.
18:54 01.07.2026
Oxunuş sayı: 41
