Xarici xəbərlər

WSJ: ABŞ-İran danışıqları gərginliyin artması səbəbindən təxirə salındı

ABŞ və İran arasında bu həftəsonu İsveçrədə bərpa olunması planlaşdırılan danışıqlar münaqişənin yenidən şiddətlənməsi səbəbindən təxirə salınıb.

Crossmedia.az The Wall Street Journal nəşrinə istinadən xəbər verir ki, qərar tərəflər arasında qarşılıqlı hücumların yenidən başlaması və bölgədə gərginliyin artması fonunda qəbul edilib.

Məlumata görə, son günlərdə hərbi toqquşmaların intensivləşməsi danışıqlar üçün əlverişli mühiti pozub və diplomatik prosesin davam etdirilməsini çətinləşdirib.

Qeyd olunur ki, tərəflər daha əvvəl ilkin razılaşma çərçivəsində danışıqları davam etdirməyə və gərginliyin azaldılması istiqamətində işləməyə hazır olduqlarını bəyan etsələr də, son hadisələr bu prosesin perspektivini qeyri-müəyyən vəziyyətə salıb.

Qəzetin məlumatlı mənbələrinin bildirdiyinə görə, danışıqların bərpa olunacağı tarix hələ müəyyənləşdirilməyib və diplomatik prosesin davamı bölgədəki vəziyyətin sabitləşməsindən asılı olacaq.

🖨 Çap et

23:37 28.06.2026

Oxunuş sayı: 51