Hörmüz boğazında gərginlik artır – İran Omanın qərarından qəzəblənib
Omanın Hörmüz boğazında alternativ marşrutdan istifadəyə icazə verməsi İranın narazılığına səbəb olub.
Crossmedia.az bu barədə xarici mediaya istinadən xəbər verir.
Mənbələrin iddiasına əsasən, Tehran bu addımı boğaz üzərindəki nəzarətinə təhdid kimi qiymətləndirir.
Məlumatda bildirilir ki, İran dünən bölgədə hərəkət edən bir gəmiyə doğru pilotsuz uçuş aparatı (PUA) göndərərək boğazdan keçidi müvəqqəti dayandırıb.
Oman mürəkkəb vəziyyətlə üz-üzə qalıb. Bir tərəfdən, Maskat Hörmüz boğazında hərəkətin idarə olunması mexanizminin yaradılması istiqamətində İranla əməkdaşlıq edir, digər tərəfdən isə ABŞ Omanı İranın mümkün rüsum tətbiqi təşəbbüslərini rədd etməyə və boğazda tam sərbəst gəmiçiliyi təmin etməyə çağırır.
Qeyd olunur ki, Oman İranın iştirakı olmadan gəmilərə təhlükəsizlik zəmanəti vermək imkanına malik deyil. Tehran isə Hörmüz boğazı üzərində təsirini qorumaqda israrlı olduğunu və üçüncü tərəflərin müdaxiləsinə dözməyəcəyini bildirir.
00:10 27.06.2026
Oxunuş sayı: 50
