Xarici xəbərlər

Ərdoğan: Dünya İkinci Dünya Müharibəsindən bəri ən kritik dövrünü yaşayır

Türkiyə Prezidenti Rəcəb Tayyib Ərdoğan dünyanın və regionun İkinci Dünya Müharibəsindən sonra ən mürəkkəb və təhlükəli hadisələrlə üz-üzə qaldığını bildirib.

Crossmedia.az xarici mediaya istinadən xəbər verir ki, Ərdoğan bu barədə çıxışı zamanı danışıb.

“Bölgəmiz və bütün dünya bəlkə də İkinci Dünya Müharibəsinin başa çatmasından bəri ən kritik hadisələrin şahidi olur. Biz hakim partiya olaraq Türkiyəni bu atəşin içərisinə düşməkdən qorumağa çalışırıq. Bir böhranın həll olunmadan digərinin başladığı dövrdə yaşayırıq. Raket və bomba səslərinin uşaqların fəryadlarını boğduğu günlərdəyik”, – deyə Türkiyə lideri vurğulayıb.

Ərdoğan qeyd edib ki, Qara dənizdə gərginlik davam etdiyi halda, Şərqi Aralıq dənizində də yeni planlar hazırlanır və müxtəlif geosiyasi oyunlar qurulur.

Türkiyə prezidenti bildirib ki, hazırkı şəraitdə heç kim sabah hansı hadisələrin baş verəcəyini və silahlı münaqişələrin harada alovlanacağını dəqiq proqnozlaşdıra bilmir.

O, həmçinin vurğulayıb ki, Rusiya-Ukrayna müharibəsi hələ başa çatmamış region artıq İrana qarşı hücumların iqtisadi nəticələri ilə üzləşir. Ərdoğan Qəzza və Livandakı vəziyyətə də toxunaraq, bölgədə qan tökülməsinin davam etdiyini bildirib.

🖨 Çap et

18:32 12.06.2026

Oxunuş sayı: 300