Dünyada 3 milyard insan mənzil problemi yaşayır - Şavkat Mirziyoyev
İlham Əliyevin rəhbərliyi altında Azərbaycan sürətli və genişmiqyaslı inkişaf yolu keçir, xüsusilə də Qarabağ torpaqlarında.
Crossmedia.az xəbər verir ki, bunu Özbəkistan prezidenti Şavkat Mirziyoyev Bakıda Ümumdünya Şəhərsalma Forumunun 13-cü sessiyasının açılış mərasiminə həsr olunmuş mətbuat konfransında deyib.
O, əlavə edib ki, qısa müddət ərzində azad edilmiş ərazilərdə bütöv şəhərlər bərpa olunub, yeni yaşayış kompleksləri və müasir infrastruktur obyektləri inşa edilib. Bu fürsətdən istifadə edərək vurğulamaq istəyirəm ki, Özbəkistan bu nəcib təşəbbüslərə layiqli töhfə verməyə hazırdır.
Prezident əlavə edib ki, aparılan təhlillərə görə, XXI əsrin ortalarına qədər dünya əhalisinin təxminən 70 faizi şəhərlərdə yaşayacaq:
“Eyni zamanda urbanizasiya bir sıra sosial problemləri daha da dərinləşdirir. Bu gün dünyada təxminən 3 milyard insan adekvat mənzil şəraitindən məhrumdur. Onların 1 milyarddan çoxu qeyri-rəsmi yaşayış məntəqələrində və gecəqondularda yaşayır, 300 milyondan çox insanın isə ümumiyyətlə sığınacağı yoxdur.
İqlim dəyişikliyi, qeyri-sabit beynəlxalq vəziyyət və iqtisadi böhranlar qlobal miqrasiyanın yeni dalğalarını yaradır, bu isə əhalinin ölkələr və şəhərlər arasında yenidən bölüşdürülməsinə səbəb olur. Sadə dillə desək, urbanizasiya qlobal sabitlik və təhlükəsizliyə birbaşa təsir göstərən həlledici amilə çevrilir.
Ayhan
15:25 18.05.2026
Oxunuş sayı: 43
