Xarici xəbərlər

Səudiyyə Ərəbistanının İrana gizli hücumları ifşa olunub

Səudiyyə Ərəbistanının İran ərazisində gizli hava əməliyyatları həyata keçirdiyini iddia edən məlumat yayılıb.

Crossmedia.az xəbər verir ki, "Reuters" xəbər agentliyinin Qərb və İran rəsmilərinə istinadən yaydığı məlumata görə, əməliyyatlar mart ayının sonlarında baş tutub və İranın Səudiyyə Ərəbistanına qarşı hücumlarına cavab xarakteri daşıyıb.

Məlumatda bildirilir ki, sözügedən zərbələr İran daxilində bir neçə hədəfə qarşı həyata keçirilib və bu əməliyyatlar rəsmi şəkildə açıqlanmayıb. "Reuters" qeyd edir ki, bu, Səudiyyə Ərəbistanının İran ərazisinə qarşı məlum olan ilk birbaşa hərbi əməliyyatı hesab olunur.

Agentliyin məlumatına görə, ABŞ-İran qarşıdurmasının genişləndiyi dövrdə bölgədəki Körfəz ölkələri də İranın hücumlarına məruz qalıb. "Reuters" daha əvvəl “The Wall Street Journal”a istinadən BƏƏ-nin də İrana qarşı gizli hava zərbələri endirdiyini yazmışdı.

🖨 Çap et

17:00 13.05.2026

Oxunuş sayı: 215