ABŞ və İran yeni müharibəyə başlayacaq?
ABŞ iki aydan çox davam edən döyüşlərə son qoymaq və sülh danışıqlarına başlamaq üçün İranın son təkliflərinə cavabını gözləyərkən, günlərlə davam edən ara-sıra gərginlikdən sonra Hörmüz boğazı ətrafında nisbi sakitlik hökm sürüb.
Crossmedia.az "Reuters"-ə istinadən xəbər verir.
ABŞ dövlət katibi Marko Rubio bildirib ki, Vaşinqton bir neçə saat ərzində cavab gözləyir.
Lakin bir gün sonra Tehrandan İranın nüvə proqramı da daxil olmaqla daha mübahisəli məsələlər üzrə danışıqlardan əvvəl müharibəyə rəsmi olaraq son qoyacaq təkliflə bağlı heç bir irəliləyiş əlaməti müşahidə olunmayıb.
ABŞ Prezidenti Donald Trampın gələn həftə Çinə çoxdan gözlənilən səfəri ilə əlaqədar olaraq, enerji bazarlarını qarışıqlığa salan və dünya iqtisadiyyatı üçün artan təhlükə yaradan münaqişənin üzərindən xətt çəkmək üçün təzyiq artır.
Son günlərdə Hörmüz boğazında və ətrafında bir ay əvvəl atəşkəs elan edildikdən bəri ən böyük döyüşlər baş verib və Birləşmiş Ərəb Əmirlikləri cümə günü yenidən hücuma məruz qalıb.
22:03 09.05.2026
Oxunuş sayı: 45
