Gündəm,Xarici xəbərlər
Ermənistan və Azərbaycan 3 sənəd üzrə razılaşıb
Ermənistan Baş nazirinin müavini Mher Qriqoryan bildirib ki, Ermənistan və Azərbaycan arasında sərhədlərin delimitasiyası üzrə komissiyaların son iclasında üç sənəd layihəsi razılaşdırılıb.
Crossmerdia.az bu barədə xarici mediaya istinadən xəbər verir.
Qriqoryanın sözlərinə görə, dövlət sərhədinin delimitasiyası çərçivəsində əldə olunan razılaşmalar gələcək işlər üçün mühüm əhəmiyyət daşıyır.
O qeyd edib ki, razılaşdırılan sənədlər əsasən texniki və prosedur xarakterlidir:
“Onlar əsasən texniki xarakter daşıyan proseduru təsvir edir, lakin buna baxmayaraq vacibdir, çünki biz bu sənədlərə uyğun hərəkət etməyə davam etməliyik.”
Məlumata görə, bu sənədlər sərhəd delimitasiyası prosesinin növbəti mərhələlərinin icrası üçün əsas çərçivə kimi qiymətləndirilir.
13:16 09.05.2026
Oxunuş sayı: 59
