Rusiyanın neft ixracından əldə etdiyi gəlir rekord həddə çatıb
Rusiyanın 2026-cı il aprelin 5-dən mayın 3-dək olan dövrdə neft ixracından əldə etdiyi gəlir Kremlin Ukraynaya tammiqyaslı hücumundan bəri ən yüksək səviyyəyə çatıb .
Crossmedia.az "Bloomberg"-ə istinadən xəbər verir.
Qeyd olunub ki, 2026-cı il aprelin 5-dən mayın 3-dək Rusiya şirkətləri həftəlik orta hesabla 2,42 milyard dollar dəyərində neft satıblar.
Nəşr vurğulayıb ki, Rusiya əsas ixrac limanlarına Ukraynanın əvvəlki dron hücumlarının təsirindən sonra bərpa olunduğu üçün ardıcıl ikinci həftədir ki, neft tədarükünün həcmini artırır.
Agentliyin məlumatına görə, Rusiya limanlarından neft daşınması aprelin 5-dən mayın 3-nə qədər gündə 3,66 milyon barelə qədər artıb.
"Bu, dekabr ayından bəri ən yüksək göstəricidir. Bununla yanaşı, son həftə ərzində daşınmalar gündəlik 3,78 milyon barel olaraq faktiki olaraq dəyişməz qalıb", - deyə jurnalistlər qeyd ediblər.
21:26 05.05.2026
Oxunuş sayı: 243
