ABŞ vətəndaşlarını İraqı dərhal tərk etməyə çağırıb
ABŞ hökuməti İraqdakı vətəndaşları ilə bağlı təhlükəsizlik xəbərdarlığını gücləndirib.
Crossmedia.az xarici mediaya istinadən xəbər verir ki, ABŞ-nin Bağdaddakı səfirliyi təhlükəsizlik riskini 4-cü səviyyəyə qaldıraraq ən yüksək xəbərdarlıq elan edib və vətəndaşlarına İraqı dərhal tərk etməyi tövsiyə edib.
Səfirliyin məlumatında bildirilir ki, İraq hava məkanı açılsa da, hazırda yalnız məhdud sayda kommersiya uçuşları həyata keçirilir.
Açıqlamada həmçinin qeyd olunur ki, İraq ərazisində raket və dron hücumları riski davam edir və ölkə daxilində hərəkət edən şəxslər bu təhlükəni nəzərə almalıdır.
ABŞ səfirliyi bir daha vurğulayıb: “İraqa səyahət etməyin. Əgər İraqdasınızsa, dərhal oranı tərk edin.”
18:54 05.05.2026
Oxunuş sayı: 51
