Köçəryan Paşinyanın “eşşək kimi anqırmaq” fikrini tənqid etdi
Ermənistanın sabiq prezidenti Robert Köçəryan “Big Politics” podkastının üçüncü buraxılışında seçkiqabağı vəziyyəti şərh edib. O bildirib ki, seçkilər ciddi məsələləri müzakirə etmək üçün var və xalq substantiv dialoq vasitəsilə hansı siyasi qüvvəyə və liderə səs verəcəyinə qərar verməlidir.
Crossmedia.az xəbər verir ki, bu barədə məlumatı AlphaNews yayıb.
Belə ki, Köçəryan hakim partiyanın kampaniya taktikalarını sərt tənqid edib, onları absurd hərəkətlərdə ittiham edib və deyib: “Əgər hansısa siyasətçi açıq desək, eşşək kimi anqırsa, milyonlarla baxış toplaya bilər. Əgər bu populyarlıq qazanmaq üçün vasitədirsə və kimsə bunu rəqəmlər üçün etməyə hazırdırsa, buyursun. Başqa ciddi məsələlərdə isə danışmağa heç nə yoxdur, Qarabağ, müharibələr, itkilər kimi suallara cavab verilməlidir”.
Köçəryan, həmçinin, sözlərinə əlavə edib ki, seçkiləri sirk və ya baxış sayı üçün aparmaq düzgün deyil və xalqın ciddi məsələlərə cavab alması vacibdir.
Fatimə
16:55 25.03.2026
Oxunuş sayı: 501
