BŞİH-də Vətən müharibəsinə dair kitabın təqdimatı baş tutub
Bakı Şəhər İcra Hakimiyyətində (BŞİH) “Vətən müharibəsi tarixi. Azərbaycanın ərazi bütövlüyünün bərpası – Şəxsiyyət faktoru” adlı yeni kitabın təqdimatı keçirilib.
Crossmedia.az xəbər verir ki, BŞİH başçısı Eldar Əzizov bildirib ki, Azərbaycan dövlətinin Prezident İlham Əliyev tərəfindən yaradılan iqtisadi-siyasi modeli özünü tam doğruldub.
Qeyd edilib ki, BŞİH və AMEA Tarix İnstitutu ilə birgə hazırlanan, 44 günlük Vətən müharibəsinə həsr edilən, əvvəlki kitabın davamı olaraq çap edilən yeni kitab Vətən müharibəsindən keçən dövr ərzində Azərbaycanda baş verən mühüm hadisələrə həsr edilib.
“Vətən müharibəsi tarixi. Azərbaycanın ərazi bütövlüyünün bərpası – Şəxsiyyət faktoru” kitabında birgünlük antiterror əməliyyatı nəticəsində Azərbaycanın suverenliyinin bərpası, Xankəndi, Ağdərə, Əsgəran, Xocavənddə dövlət bayrağının ucaldılması və Xankəndidəki tarixi hərbi parad, qısa zaman kəsiyində işğaldan azad edilən ərazilərdə həyata keçirilən genişmiqyaslı quruculuq işləri, yeni infrastrukturun yaradılması, Böyük Qayıdış Proqramına uyğun keçmiş məcburi köçkünlərin öz doğma yurdlarına qayıdışı kimi tarixi hadisələrə dair faktlar öz əksini tapıb.
Təqdimat mərasimində AMEA-nın prezidenti, akademik İsa Həbibbəyli, Ailə, Qadın və Uşaq Problemləri üzrə Dövlət Komitəsinin sədri Bahar Muradova, Azərbaycan Respublikasının İnsan Hüquqları üzrə Müvəkkili-Ombudsman Səbinə Əliyeva, Milli Məclisin deputatı Elman Nəsirov, Azərbaycan Memarlar İttifaqının sədri Elbay Qasımzadə iştirak və çıxışlar ediblər.
Kitabın bir sıra xarici dillərdə çapı nəzərdə tutulub.
11:29 09.12.2024
Oxunuş sayı: 8316
