Xarici xəbərlər

İran prezidenti Laricaninin qətlinə görə qisas vədi verdi

İran prezidenti Məsud Pezeşkian Əli Laricaninin Ali Milli Təhlükəsizlik Şurası katibi kimi fəaliyyət göstərərkən İsrail hücumları nəticəsində öldürülməsinə görə başsağlığı verib.

Crossmedia.az bu barədə xarici mediaya istinadən xəbər verir.

Başsağlığı mesajı İranın Prezident Administrasiyasının rəsmi “Telegram” kanalında paylaşılıb. Mesajda bildirilib ki, Laricaninin qətlinə görə cavabdeh tərəflərdən qisas alınacaq və onun qanı yerə qalmayacaq.

Prezident mesajında vurğulayıb: “Laricaninin ölümü son dərəcə kədərli hadisədir. Terrorçu cinayətkarları amansız qisas gözləyir. Laricaninin qanı cinayətkar rejim tərəfindən yerə tökülsə də, İslam İnqilabının şəhidlərinin yanında olmaq onun uzun müddətdir arzusu idi.”

Hadisə İran rəhbərliyi və təhlükəsizlik strukturları tərəfindən ciddi reaksiya ilə qarşılanıb.

🖨 Çap et

11:37 18.03.2026

Oxunuş sayı: 318