Yəhudi məktəbində partlayış: Avropada yeni radikal qrup ortaya çıxdı
Amsterdamda yəhudi məktəbi yaxınlığında partlayış baş verib.
Crossmedia.az xəbər verir ki, bu barədə “Ynet” məlumat yayıb.
Əvvəllər tanınmayan, özünü “İslam Sağçı Gənclər Hərəkatı” adlandıran radikal təşkilat hadisəyə görə məsuliyyəti üzərinə götürüb. Təşkilat partlayış anını əks etdirən video yayıb.
Hadisə nəticəsində xəsarət alan olmayıb, lakin məktəb binasına maddi ziyan dəyib. Təhlükəsizlik orqanlarının məlumatına görə, məsuliyyəti öz üzərinə götürən qrup əvvəllər Niderland təhlükəsizlik xidmətlərinin məlumat bazasında qeydiyyatda olmayıb.
Təşkilat iddia edir ki, o, Avropada, o cümlədən Belçikanın Lyej və Niderlandın Rotterdam şəhərindəki sinaqoqlara qarşı oxşar hücumların arxasında dayanıb. Hadisə Avropada yəhudi məktəblərinin təhlükəsizliyi ilə bağlı narahatlıqları artırıb.
16:45 14.03.2026
Oxunuş sayı: 45
