Rutte: Rusiya özünü “qüdrətli cadugər” kimi təqdim etməyə çalışır
NATO-nun baş katibi Mark Rutte Rusiyanın beynəlxalq arenadakı davranışlarını sərt ifadələrlə şərh edib.
Crossmedia.az xəbər verir ki, bu barədə xarici KİV məlumat yayıb.
O bildirib ki, Moskva zəif görünməmək və nüfuzunu itirməmək üçün özünü “qüdrətli cadugər” kimi təqdim etməyə çalışır.
Rutte qeyd edib ki, Rusiya real vəziyyətdən daha güclü təsir bağışlamaq məqsədilə müxtəlif siyasi və hərbi mesajlar verir. Baş katibin sözlərinə görə, bu cür ritorika beynəlxalq ictimaiyyətə psixoloji təsir göstərmək məqsədi daşıyır.
NATO rəhbəri əlavə edib ki, Alyans regionda təhlükəsizliyin qorunması üçün fəaliyyətini davam etdirəcək və üzv dövlətlərin müdafiə qabiliyyətinin gücləndirilməsi prioritet olaraq qalır.
15:56 13.02.2026
Oxunuş sayı: 534
