Tbilisi-Brüssel xəttində gərginlik: Kavelaşvili açıq danışdı
Gürcüstan Prezidenti Mixeil Kavelaşvili Avropa İttifaqının genişlənmə siyasətinin manipulyasiya vasitəsi kimi istifadə olunmamalı olduğunu bildirib. Crossmedia.az bu barədə xarici mediaya istinadən xəbər verir ki, dövlət başçısı bu məsələdə səmimiliyin vacibliyini vurğulayıb.
“Qeyd etmək vacibdir ki, Aİ-nin genişlənmə siyasəti, Avropa bürokratlarının tez-tez müraciət etdiyi kimi, manipulyasiya vasitəsi olmamalıdır. Biz bu məsələdə səmimi olmağa çalışacağıq. Biz həmişə cəmiyyətimizə məlumat veririk ki, milli maraqlarımıza əsaslanaraq, avropalı bürokratların bizə necə münasibət göstərməsindən asılı olmayaraq, münasibətləri istənilən səviyyədə davam etdirməyə hazırıq”, – deyə Kavelaşvili bildirib.
Prezident əlavə edib ki, hazırda Gürcüstan-Aİ münasibətləri bir sıra çətinliklərlə üzləşir. Bununla belə, o, konstruktiv və aktiv dialoqun mövcud fikir ayrılıqlarının aradan qaldırılmasına imkan verəcəyinə əminliyini ifadə edib.
18:00 12.02.2026
Oxunuş sayı: 694
