Həyəcan siqnalı: Raketlər döyüş rejiminə keçirildi
Yaxın Şərqdə yerləşən ən böyük ABŞ hərbi obyektlərindən biri – Al Udeid Air Basenda qüvvələrin hazırlıq səviyyəsi artırılıb.
Crossmedia.az xəbər verir ki, "Reuters" agentliyinin yaydığı məlumata görə, Qətərdə yerləşən bazada ABŞ qüvvələri yanvar ayından etibarən İranla artan gərginlik fonunda Patriot raketlərini yarı-statik buraxılış qurğularından çıxararaq yük maşınlarına quraşdırılmış mobil sistemlərə yerləşdirib.
Məlumata əsasən, bu addım raket sistemlərinin daha çevik şəkildə hərəkət etdirilməsinə imkan verir. Mobil buraxılış qurğuları mümkün hücum halında sürətli yerləşdirilmə, mövqe dəyişmə və operativ reaksiya imkanlarını artırır.
Ekspertlər qeyd edirlər ki, bu qərar bölgədə təhlükəsizlik risklərinin artdığı bir dövrdə ABŞ-ın həm müdafiə, həm də potensial cavab imkanlarını gücləndirməyə yönəlib.
10:50 11.02.2026
Oxunuş sayı: 387
