AŞPA Rusiyanı ittiham edən bəyanat yayıb
Avropa Şurası Parlament Assambleyası (AŞPA) yanında fəaliyyət göstərən Rusiya müxalifəti platforması Ukraynanın müdafiə qabiliyyətinə dəstək ifadə edən bəyanat yayıb və Rusiyanı təcavüzə görə məsuliyyət daşımaqda ittiham edib.
Crossmedia.az xarici mediaya istinadən xəbər verir.
Sənəddə Ukraynanın qorunması və yeni təcavüzün qarşısının alınması üçün təxirəsalınmaz tədbirlər görülmədən Avropanın təhlükəsizliyinin təmin olunmasının mümkün olmadığı qeyd olunub.
Bəyanat müəllifləri Rusiyanı faşist aqressor dövlət adlandıraraq Kiyevə hərbi yardımın davam etdirilməsini dəstəkləyiblər.
Platforma həmçinin Avropa Şurasının himayəsi altında tribunalın yaradılmasını və Rusiyanın dondurulmuş aktivlərinin Ukraynanın bərpası və müdafiə qabiliyyətinin gücləndirilməsi üçün istifadə edilməsini təklif edib.
Bununla yanaşı, bəyanatda deportasiya edilmiş uşaqların geri qaytarılması və müharibəyə qarşı çıxan şəxslərin azad olunması ilə bağlı çağırışlar da yer alıb.
Nigar Yahyazadə
13:25 08.02.2026
Oxunuş sayı: 400
