Qrenlandiyada böhran ab-havası: Trampın sözləri təhlükə siqnalı verdi
Qrenlandiya sakinləri ABŞ prezidenti Donald Trampın adanın ilhaqı ilə bağlı təhdid xarakterli açıqlamalarından sonra kütləvi şəkildə ehtiyat görməyə başlayıblar.
Crossmedia.az xəbər verir ki, bu barədə CNN məlumat yayıb.
Məlumata görə, yerli əhali turist plitələri, quru ərzaqlar, uzunömürlü konservlər və sublimasiya olunmuş qidaları sürətlə almağa başlayıb. Mağazalarda bu tip məhsullara tələbatın kəskin artdığı bildirilir.
Qrenlandiyalılar Trampın adanı ABŞ-ə birləşdirmək planlarına sərt reaksiya veriblər. Sakinlərdən bəziləri onun ağlını itirdiyini deyib.
Digərləri isə ABŞ-də daha ağıllı və məsuliyyətli siyasətçilərin tapılacağına və Trampın bu planlarının qarşısının alınacağına ümid etdiklərini bildiriblər.
CNN qeyd edir ki, Qrenlandiyada yaranan bu narahatlıq fonunda təhlükəsizlik və mümkün böhran ssenariləri ilə bağlı müzakirələr də intensivləşib.
18:20 19.01.2026
Oxunuş sayı: 1046
