Suriya ordusu: terrorçu qruplar hücum edib, ölənlər var
Suriya Ərəb Ordusunun (SƏO) Operativ Komandanlığı bəyan edib ki, ayrı-ayrı terrorçu qruplaşmalar, o cümlədən PKK (Kürdüstan Fəhlə Partiyası) və devrilmiş rejimin qalıqları atəşkəs razılaşmasının icrasını pozmağa çalışır.
Crossmedia.az xəbər verir ki, bu barədə SANA agentliyi məlumat yayıb.
Komandanlığın açıqlamasına görə, sözügedən qruplar Suriya ordusunun Əlcəzair bölgəsində yerləşən bölmələrinə iki hücum həyata keçirib. Hücumlar nəticəsində üç hərbçi həlak olub, digərləri isə müxtəlif dərəcəli xəsarətlər alıb.
Qeyd edək ki, bundan əvvəl Suriya ordusu ölkənin şimal-şərqində yerləşən Cəzirə bölgəsində təhlükəsizliyin təmin edilməsi məqsədilə, Suriya Demokratik Qüvvələri (SDQ – PKK terror təşkilatı ilə əlaqəli qurum) ilə əldə olunmuş razılaşma çərçivəsində qüvvələrin yerləşdirilməsinə başladığını açıqlamışdı.
Hazırda ordu bölmələri Tişrin su anbarına, Rəqqanın şimal ətrafına və Həsəkənin qərb ətrafına nəzarəti təmin edib.
Fatimə Məmmədova
17:24 19.01.2026
Oxunuş sayı: 1097
