Trampdan qalmaqallı etiraf: Nobel verilmədisə, sülhü düşünməyə borclu deyiləm
ABŞ prezidenti Donald Tramp Nobel Sülh Mükafatına layiq görülmədiyi üçün “artıq sülh haqqında düşünmək məcburiyyətində olmadığını” bildirib.
Crossmedia.az bu barədə xarici mediaya istinadən xəbər verir.
Məlumata görə, Tramp Norveçin baş naziri Yens Stoltenberqə ünvanladığı məktubda bundan sonra əsas diqqətini yalnız ABŞ üçün faydalı olan məsələlərə yönəldə biləcəyini qeyd edib. O, bunu birbaşa olaraq “səkkiz və ya daha çox müharibəyə son qoymasına baxmayaraq” Nobel Sülh Mükafatını almaması ilə əlaqələndirib.
Tramp məktubunda Danimarkanın Qrenlandiyanı nə Rusiyadan, nə də Çindən qorumaq iqtidarında olmadığını iddia edib. O, həmçinin adanın guya heç bir qanuni hüquqa malik olmadığını irəli sürüb.
ABŞ prezidenti məktubunu ABŞ-nin Qrenlandiya üzərində “tam və mütləq nəzarət” əldə etməyənədək dünyanın təhlükəsiz olmayacağını bildirməklə tamamlayıb. Açıqlama beynəlxalq ictimaiyyətdə geniş müzakirələrə səbəb olub.
Kübra Musayeva
12:25 19.01.2026
Oxunuş sayı: 1090
