Tramp Qrenlandiyanı ələ keçirmək üçün ultimatum verdi
ABŞ illərlə Danimarka və digər Avropa ölkələrini subsidiyalaşdırıb, onların əvəzində heç bir gömrük haqqı tələb etməyib və indi Danimarkanın öhdəliyini yerinə yetirməsinin vaxtı gəlib: “Çin və Rusiya Qrenlandiyanı ələ keçirmək istəyir, Danimarka isə buna heç nə edə bilmir. Bu oyunda yalnız ABŞ və mənim rəhbərliyim uğurla iştirak edə bilər”.
Crossmedia.az xəbər verir ki, bu barədə ABŞ prezidenti Donald Tramp sosial şəbəkədə Truth Social hesabından Qrenlandiya ilə bağlı açıqlama verib.
Tramp qeyd edib ki, Danimarka, Norveç, İsveç, Fransa, Almaniya, Birləşmiş Krallıq, Hollandiya və Finlandiya artıq Qrenlandiyada təhlükəli hərəkətlər edir və bu, qlobal təhlükəsizlik üçün böyük risk yaradır. O, 1 fevral 2026-cı ildən bu ölkələrin ABŞ-a göndərəcəkləri bütün mallara 10%, 1 iyundan isə 25% tarif tətbiq ediləcəyini açıqlayıb. Tarif yalnız Qrenlandiyanın tam alınması razılaşdırılana qədər qüvvədə qalacaq.
Prezident Tramp ABŞ-nin bu əraziyə sahib olmaq üçün 150 ildən çox cəhd etdiyini xatırladıb.
Qeyd edib ki, müasir hərbi sistemlər və “Qızıl Qübbə” müdafiə proqramları səbəbindən Qrenlandiyanın alınması zəruridir.
21:15 17.01.2026
Oxunuş sayı: 1219
