Xarici xəbərlər

Səudiyyə boru kəmərinə hücum dünya neft bazarını riskə atıb

Səudiyyə Ərəbistanında boru kəmərinə PUA hücumundan sonra “Brent” markalı neftin qiyməti bazar ertəsi 108 dollara yüksəlib.

Crossmedia.az xəbər verir ki, boru kəmərinin fəaliyyətini bərpa etmək mümkün olmasa, Səudiyyə Ərəbistanının ixrac üçün neft ehtiyatları təxminən bir həftəyə tükənə bilər. Bu halda dünya bazarında neft tədarükünün 4 faizə qədər azalması mümkündür.

Bazar günü axşam yayılan peyk görüntülərinə əsasən, cümə günü İraq ərazisindən həyata keçirilən PUA hücumu nəticəsində boru kəmərindəki nasos stansiyasına ciddi ziyan dəyib. Hücumdan sonra “Saudi Aramco” boru kəmərinin fəaliyyətini ən azı bir neçə gün dayandırıb.

Mövzular:

Səudiyyə Ərəbistan boru kəməri PUA 108 dollar Saudi Aramco Brent İraq

🖨 Çap et

18:49 14.09.2026

Oxunuş sayı: 55