Beyin xərçəngi şişi tamamilə məhv edilib - Dünyaya şad xəbər
Nobel mükafatlı türk alim, professor Aziz Sancar və onun komandası ölümcül beyin xərçəngi növlərindən birinin müalicəsində mühüm nailiyyət əldə edib.
Crossmedia.az xəbər verir ki, alimlərin hazırladığı yeni müalicə üsulu siçanlar üzərində aparılan sınaqlarda uğurlu nəticə verib.
Araşdırmalar zamanı müəyyən edilib ki, kimyaterapiyada istifadə olunan EdU adlı kimyəvi maddə beyin toxumasına maneəsiz şəkildə daxil olaraq şiş hüceyrələrini məhv edir və eyni zamanda sağlam beyin toxumasına zərər yetirmir. Bu kəşf beyin xərçənginin müalicəsində yeni və ümidverici mərhələnin əsasını qoya bilər.
Mütəxəssislərin fikrincə, əldə olunan nəticələr gələcəkdə insan üzərində aparılacaq klinik sınaqlar üçün ciddi elmi baza formalaşdırır və xərçənglə mübarizədə yeni yanaşmaların inkişafına yol açır.
Ayhan
19:50 10.01.2026
Oxunuş sayı: 3370
