BMTM Amadeus İnstitutu ilə müştərək proqramlar icra edəcək
Noyabrın 29-da Mərakeşin Tancə şəhərində beynəlxalq MEDays Forumu çərçivəsində Beynəlxalq Münasibətlərin Təhlili Mərkəzi (BMTM) və Mərakeşin Amadeus İnstitutu arasında Anlaşma Memorandumu imzalanıb.
Crossmedia.az xəbər verir ki, sənədi BMTM-in İdarə Heyətinin sədri Fərid Şəfiyev və Amadeus İnstitutunun prezidenti İbrahim əl-Fasi əl-Fəhri imzalayıblar.
Memoranduma əsasən, BMTM ilə Amadeus İnstitutu arasında qarşılıqlı faydalı əməkdaşlığın reallaşdırılması nəzərdə tutulub.
F.Şəfiyev iki ölkə arasında ortaq mədəni və tarixi yaxınlığın olduğunu vurğulayaraq, Mərakeş institutu ilə keçirilən görüşün və imzalanan sazişin tərəflər arasında yeni əməkdaşlıq perspektivlərinin açılmasına töhfə verəcəyinə inamını ifadə edib.
Amadeus İnstitutunun prezidenti İbrahim əl-Fasi əl-Fəhri imzalanan sənədin əhəmiyyətindən danışıb. Qeyd edib ki, memorandum çərçivəsində müştərək proqramlar icra olunacaq.
14:12 29.11.2024
Oxunuş sayı: 8993
