Hikmət Hacıyev Tramp administrasiyasının sülhə dəstəyini yüksək qiymətləndirib
ABŞ-nin prezidenti Donald Trampın administrasiyası Azərbaycan və Ermənistan arasında sülh gündəliyinə yüksək səviyyədə sadiqlik nümayiş etdirib.
Bu barədə Crossmedia.az Azərbaycan Prezidentinin köməkçisi,Prezident Administrasiyasının Xarici siyasət məsələləri şöbəsinin müdiri Hikmət Hacıyevin "The Washington Times" qəzetinə verdiyi müsahibəyə istinadən xəbər verir.
Onun sözlərinə görə, Donald Trampın baş verən proseslərə dərhal reaksiya verməsi və sülh prosesində hərtərəfli iştirakı yüksək qiymətləndirilməlidir.
Hikmət Hacıyev qeyd edib ki, ABŞ Konqresində qəbul edilən 907-ci düzəliş sülh prosesinə maneə yaradır və Konqresin ayrı-ayrı addımları tərəflər arasında dialoqu daha da mürəkkəbləşdirir.
Prezidentin köməkçisi, həmçinin vurğulayıb ki, Co Bayden və dövlət katibi Entoni Blinkenin administrasiyası dövründə Azərbaycan və Ermənistan arasında ciddi anlaşılmazlıqlar yaranıb və bu, ümumi prosesə əhəmiyyətli zərər vurub.
Mehriban İbrahimli
22:55 02.01.2026
Oxunuş sayı: 1334
